PAZADIK: دادستانی گشتی وڵات ناڕه‌زایه‌تی له‌ به‌رانبه‌ر گواستنه‌وه‌ی رۆژنامه‌نووس و چالاکی بواری مافی مرۆڤ ئه‌بولفه‌زل عابدینی نه‌سر، بۆ زیندانی ئه‌وین ده‌ربڕیوه‌.

   به‌ بۆنه‌ی هاتنی جه‌ژنی پیرۆزی ره‌مه‌زانه‌وه‌، به‌ناوی هه‌موو خه‌باتگێڕانی  پارتی ئازادیی کوردستانه‌وه‌ پیرۆزباییه‌کی گه‌رم ئاراسته‌ی سه‌رجه‌م موسڵمانانی کوردستان و جیهان ده‌که‌م. به‌و هیوایه‌ که‌ ئه‌م جه‌ژنه‌ مایه‌ی خێر و خۆشی بۆ نه‌ته‌وه‌ی خۆڕاگری کورد و هه‌موو کوردستانیان بێ و ببێته‌ هانده‌رێک بۆ یه‌کێتی ریزه‌کانی نه‌ته‌وه‌که‌مان به‌ هه‌موو چین و توێژ و ئایین و مه‌زهه‌ب و زاراوه‌کان و ناوچه‌کانه‌وه‌.

عه‌لی قازی محه‌ممه‌د

سه‌رۆکی پارتی ئازادیی کوردستان

9/ سێپتامبر/2010

PAZADIK: هیلاری کلینتۆن وه‌زیری ده‌ره‌وه‌ی ئه‌مریکا له‌سه‌ر ئه‌و باوه‌ڕه‌یه‌ که‌ حکومه‌تی ئێران به‌ره‌و گۆڕان بۆ دیکتاتۆرێکی نیزامی ده‌چێ و به‌ تێپه‌ڕینی کات خه‌ڵکی ئێران له‌به‌رانبه‌ر "رووداوه‌ ناڕه‌حه‌ت که‌ره‌کان" که‌ له‌و وڵاته‌دا درێژه‌ی هه‌یه‌، کاردانه‌وه‌یان ده‌بێ.

PAZADIK: به‌هۆی ته‌قینه‌وه‌ی مین له‌ ده‌ورووبه‌ری شارۆچکه‌ی سپای سه‌ر به‌ شاری دیوانده‌ره‌، دوو لاوی کورد گیانیان له‌ده‌ستدا.

PAZADIK: شاعیر و نووسه‌ری ناسراوی کوردی خه‌ڵکی شاری مه‌ریوان عه‌زیز ناسری له‌ لایان هێزه‌ ئه‌منییه‌کانی ئه‌و شاره‌وه‌ قۆڵبه‌ستکرا.

PAZADIK: ئه‌حمه‌د سلێمانی زیندانیی کوردی خه‌ڵکی شاری شنۆ له‌ زیندانی ورمێ له‌ رۆژی یه‌کشه‌ممه‌ 14 خه‌رمانانه‌وه‌ ده‌ستی داوه‌ته‌ مانگرتن له‌ خواردن.

PAZADIK:به‌ناوی خزمان و که‌سوکاری که‌سایه‌تی ناسراوی کورد سه‌ید عوبه‌یدوڵڵا ئه‌یوبیان له باشووری کوردستان و له‌ جیاتی بنه‌ماڵه‌کانی ئه‌یوبیان له‌ رۆژهه‌ڵاتی کوردستان، سوپاسی سه‌رۆکایه‌تی هه‌رێمی کوردستان رێزدار مه‌سعود بارزانی و ئه‌ندامانی مه‌کته‌بی سیاسی و به‌پرسانی لق و مه‌ڵبه‌نده‌کانی یه‌کێتی نیشتمانی کوردستان

PAZADIK: رێکخراوی هه‌واڵنێرانی بێسنوور له‌ به‌یاننامه‌یه‌کدا، ده‌سگیرکردنی نه‌سرین ستۆده‌ پارێزه‌ری هێندێک له‌ رۆژنامه‌نووسانی زیندانی له‌ ئێران، مه‌حکوم کرد.

PAZADIK: وه‌زاره‌تی خه‌زێنه‌داری ئه‌مریکا "بانکی بازرگانی ئێرانی و ئوروپا"یی که‌ له‌ ئاڵمان ناوی تۆمار کراوه‌، خسته ‌لیستی سزا یه‌کلانه‌کانی وڵاته‌ یه‌کگرتووه‌کانه‌وه‌.

PAZADIK: چه‌ند ڕۆژی رابردوو خوێندكارێكی كورد به‌ناوی "ئازاد كه‌مانگه‌ر"، خوێندكاری كۆلێژی ته‌كنیكی و ئه‌ندازیاریی"یه‌زدان په‌نا"ی سنه‌، له‌لایه‌ن به‌رپرسانی كۆلێژه‌كه‌یه‌وه‌ بانگێشت و ده‌سبه‌جی ده‌سبه‌سه‌ر ده‌كرێت و بۆ شوێنێكی نادیاری راده‌گوێزرێت.

PAZADIK: وه‌زاره‌تی ده‌روه‌ی کۆریای باشوور رایگه‌یاند که‌ وڵاته‌که‌ی بڕیاری داوه‌ که‌ ئه‌مڕۆ سزاکانی له‌ دژی کۆماری ئیسلامی، رابگه‌یه‌نێ.

PAZADIK: "كه‌یهان كه‌لهۆر" به‌ هاوكاری "ئه‌ردال ئه‌رزه‌نجان" ژه‌نیاری ناوداری باكووری كوردستان، كۆنسێرت له‌ شاره‌كانی تاران و شیراز به‌رِێوه‌ ده‌بات.

PAZADIK: لاوێکی کوردی خه‌ڵکی کامیاران که‌ به‌ تۆمه‌تی هه‌ڵگرتنی خواردنه‌وه‌ ئه‌لکولییه‌کان له‌ لایان ئیداره‌ی ئاگاهی کامیارانه‌وه‌ قۆڵبه‌ستکرابوو، له‌ژێر ئه‌شکه‌نجه‌ی جه‌لاده‌کانی کۆماری ئیسلامیدا گیانی له‌ده‌ستدا.

PAZADIK: له‌ ئاخرین راپۆرتیدا ئاژانسی نێوده‌وڵه‌تی وزه‌ی ئه‌تۆم ئێرانی به‌وه‌ تاوانبار کردووه‌ که‌ ئیزنی به‌ هێندێک له‌ پشکێنه‌ران نه‌داوه‌ که‌ بچنه‌ نێو دامه‌زراوه‌ ناوکییه‌کانه‌وه‌.

PAZADIK: چالاکانی مافی مرۆڤ و دیمۆکراسی له‌ ئێران بڵاویانکرده‌وه‌ که‌ سه‌رله‌به‌یانی رۆژی دووشه‌ممه‌ 15 خه‌رمانان، له‌ تێکهه‌ڵچوونێکی خوێناویدا له‌ به‌ندی یه‌کی زیندانی گه‌وهه‌رده‌شتی که‌ره‌ج لانی که‌م حه‌وت که‌س به‌ سه‌ختی بریندار بوونه‌.

PAZADIK: کوڕی سه‌کینه‌ محه‌مه‌د ئاشتیانی، ئه‌و ژنه‌ی که‌ له‌ ئێران حوکمی سه‌نگساری به‌سه‌ردا سه‌پاوه‌ ده‌ڵێ دایکی به‌هۆی بڵاوکردنه‌وه‌ی وێنه‌یه‌کی له‌ بڵاوکراوه‌ بیانییه‌کاندا و به‌ تۆمه‌تی به‌رمه‌لاکردنی فه‌ساد و بێ حیجابی به‌ لێدانی 99 زه‌ربه‌ قامچی مه‌حکوم کراوه‌.

PAZADIK: جارێکی دیکه‌ مه‌حمود ئه‌حمه‌دی نژاد سه‌رۆک کۆماری ئێران دووپاتی کرده‌وه‌ که‌ له‌گه‌ڵ هه‌ر هێرشێک بۆسه‌ر وڵاته‌که‌ی، ئیسرائیل له‌ناو ده‌به‌ن.

PAZADIK: به‌پێی هه‌واڵی ئاژانسی موکریان، حوکمی ئێعدامی حه‌بیبوڵڵا گولپه‌ری پوور زیندانیی کوردی مه‌حکوم به‌ ئێعدام، له‌ لایان دیوانی باڵای ئێرانه‌وه‌ په‌سند کراوه‌.

PAZADIK: سه‌باره‌ت به‌ وته‌کانی مه‌حمود ئه‌حمه‌دی نژاد سه‌رکۆماری ئێڕان له‌مه‌ڕ ره‌وه‌ندی ئاشتیی له‌ رۆژهه‌ڵاتی ناوه‌ڕاست، ده‌وڵه‌تی فه‌له‌ستین ره‌خنه‌ی توندی ئاڕاسته‌ی ناوبراو کردووه‌ و گوتویه‌تی: که‌سێک که‌ نوێنه‌ری خه‌ڵکی ئێران نییه‌، ناتوانێ سه‌باره‌ت به‌ فه‌له‌ستین و سه‌رکۆماره‌که‌ی قسه‌ بکا.

PAZADIK: ئاژانسی موکریان، رۆژی چوارشه‌ممه‌ 10 خه‌رمانان، ناوه‌ندی بازرگاری "سومه‌یه‌" له‌ شه‌قامی پاسدارانی شاری سنه‌، تووشی ئاگر که‌وتنه‌وه‌ بوو.

PAZADIK: به‌ ئاماده‌بوونی جێگری سه‌رۆکی پارتی ئازادیی کوردستان به‌ڕێز حسه‌ین یه‌زدانپه‌نا، بۆ رێزگرتن له‌ خه‌بات و تێکۆشان و که‌سایه‌تی، تێکۆشه‌ر و ئه‌دیب و مێژووزانی کورد، یادگاری کۆمه‌ڵه‌ی ژ.ک و کۆماری کوردستان ئوستاد عوبه‌یدوڵڵا ئه‌ییوبیان، له‌ رۆژانی چوارشه‌ممه‌ و پێنجشه‌ممه‌ 10-11 خه‌رمانانی 2710 (1-2 سێپتامبری 2010) له‌ کاتژمێر 3:00 تا 6:00 پاشنیوه‌ڕۆ، کۆڕێکی پرسه‌ و سه‌ره‌خۆشی له‌ مزگه‌وتی ره‌شاد موفتیی شاری هه‌ولێر به‌ڕێوه‌چوو.

PAZADIK: پاش ئه‌وه‌ی رۆژی هه‌ینی 12 خه‌رمانان، وڵاتی ژاپۆن سزاگه‌لێکی نوێی له‌ دژی ئێران په‌سندکرد، وه‌زاره‌تی ده‌ره‌وه‌ و وه‌زاره‌تی خه‌زێنه‌دی دارایی ئه‌مریکا له‌ به‌یاننامه‌یه‌کی هاوبه‌شدا، پێشوازییان له‌م هه‌ڵوێسته‌ی ژاپۆن کرد.

PAZADIK: رۆژی هه‌ینی 12 خه‌رمانان، به‌ ئاماده‌بووری كۆمه‌ڵێكی به‌رچاو له‌ كه‌سایه‌تی فه‌رهه‌نگی، رۆشنبیری و سیاسی كورد له‌ تاران، یادی نووسه‌ر و لێكۆڵه‌ری ناوداری كورد دكتۆر سه‌ید عوبه‌یدوڵڵا ئه‌یووبیان، به‌رز راگیرا.

PAZADIK: به‌ ره‌زامه‌ندی ئێران و به‌ چه‌ند مه‌رجێك، عه‌بدولمه‌هدی كرایه‌ پاڵێوراوی فه‌رمی لیستی ئیتیلافی نیشتمانی، لیستی ئیتیلافی كوردستانی و ره‌وتی سه‌دریش رێكه‌وتوون.