::
بەیاننامەی پارتی ئازادیی کوردستانPAKسەبارەت بە هەڵبژاردنەکانی ٧ی رەشەمەی ئێران
10/2/2016
pazadik:

تاکە هەڵبژاردنی چارەنووسساز و تەنیا سنووقی پیرۆزی دەنگدان بۆکورد،
رێفراندۆمی سەربەخۆیی کوردستانە.





نەتەوەی کورد لە رۆژهەڵاتی کوردستان هەر لە دروسبوونی دەوڵەتی ئێرانەوە، نەک دەور و بەشی لە دامەزران و بەڕێوەبردنی ئەو دەوڵەتەدا نەبووە، بەڵکوو لە هەر دوو شێوازی پاشایەتی و کۆمارییدا، لە ژێر کۆت وبەندی ستەم و چەوسانەوەی نەتەوەیی و پلانی ئاسمیلاسیۆن و " بە ئێڕانی کردن" دا بووە. دامەزرێنەرانی دەوڵەتی مۆدێڕنی ئێران و میراتگرانی ئەمڕۆییان ، بە پشت بەستن بە زەبر و زەنگی بێسنوور و نەپرینگانەوە لە هیچ تاوان و جینایەتێکی دژی ئینسانیی ، تێکۆشاون نەتەوەی کورد بتوێننەوەو وڵاتێکی خاوەن تەک ناسنامە، تاکە زمان و یەک کلتور ساز بکەن و فارسیفیکاسیۆن لە دوو فۆرمی سێکۆلار و دینی دا، بکەنە، سیاسەتی فەرمی و کرداریی تاران. 
هاوکات بە هۆی ئەوەوە کە سیستەمی سیاسیی ئەم دەوڵەتە سیستەمێکی تووتالیتێریی دینییە و رێگای بەشداریی راستەقینەی سیاسیی، لە کورد بەسراوە، هیچ دەرفەتێکی یاسایی لە بەر دەمدا نییە تا لە رێگای یاسایی و لە ناو دامەزراوەکانی دەوڵەتەوە پەیجووری دابینکردنی مافەکانی خۆی بێ. لە راستیشدا هەر وەک پێشەوا قازی محەمەد ٧٠ ساڵ لەمەوبەر گەیشتە ئەو ئاکامەی کە لە چوارچێوەی دەوڵەتی ئێراندا، مافەکانی کورد وەدیی نایەن و رووی لە جیابوونەوە لە ئێران و دامەزراندنی دەوڵەتی جمهوری کوردستان کرد؛ ئەمڕۆکەش هەر بەو جۆرە، ماف و ئازادیی و بەختەوەریی و ئاسایشی تاک و کۆی کورد لە چوارچێوەی ئەم دەوڵەتەدا وەدیی نایەن و حەولدانی سیستەماتیکی تاران بۆ برسی کردن و ترساندن و شێواندنی باری دێموگرافی کوردستان، تێکدان و شێواندنی سایکۆلۆژی و کەسایەتی تاکی کورد و هەڵوەشاندنەوەی شیرازەی خێزان وکۆمەڵگای کوردستان ؛ رۆژ لە گەڵ رۆژ بە گوڕ و تینی پترەوە، درێژە پێدەدرێ.
بۆیە چ بە لە بەر چاو گرتنی ئەم راستییە گشتییانە و چ بە لە بەرچاوگرتنی ئەزموونی ٣٦ساڵ وەرێخستن و ئاکامەکانی شانۆگەرییەک بە ناوی هەڵبژاردن لە ئێراندا، خۆ پاڵاوتنی کوردستانیان و بەشدارییان لە شانۆگەرییەکانی هەڵبژاردنی مەجلیسی شۆرای ئیسلامی و مەجلیسی خوبرەگان کە لە ٧ی رەشەمەدا، بەڕێوە دەچن، نەک هیچ قازانجێکی بۆ کورد و کوردستان نییە، بەڵکوو دەرەنجامەکەی دەکرێتەوە کەرەستە و ئامرازێک بۆ دەمەزەرد کردنەوەی دامودەزگاکانی دەوڵەتی داگیرکەرو قایمتر کردنی کوت و بەندەکانی سەر ملی کورد. کاربەدەستانی دەوڵەتی داگیرکەر، نە رێگای خۆ پاڵاوتن بە خەمخۆرانی راستەقینەی ئەم نەتەوەیە دەدەن و نە حورمەتی دەنگی دەنگدەران دەگرن؛ نە سیستەمی سیاسیی بەجۆرێکە کە بکرێ تۆزقاڵێک رێفۆرمی بە قازانجی ژیان و گوزەرانی خەڵک تێدا پێکبێت. بڕیاردەران و سیاسەت داڕێژەرانی سیاسەتی تاران لە هەمبەر کوردستان، فەرماندەکانی سوپای پاسداران و کاربەدەستانی وەزارەتی ئیتلاعاتن. دەنا لە ناو کۆمەڵگای کوردستاندا هەزاران کوردستانیی شیاو و شایستە هەن کە توانا و لێوەشاوەیی و ئارەزووی خزمەت بە نەتەوە و نیشتمانی خۆیانیان هەیە. بۆیە ئەو شانۆگەرییانە فڕیان بە سەر ماف و ئازادیی و بەرژەوەندییەکانی تاک و کۆی نەتەوەی کوردەوە نەبووە و نییە. رێگای رزگاریی کورد و کوردستان لەو نەهامەتییانە، پچڕاندنی تەوقی بندەستیی و گەیشتن بە سەروەریی سیاسییە. تاکە هەڵبژاردنی چارەنووسساز و تەنیا سنووقی پیرۆزی دەنگدان بۆ رۆڵەکانی نەتەوەی کورد، رێفراندۆمە؛ رێفراندۆمی دیاریکردنی چارەنووسی سیاسیی؛ رێفراندۆمی سەربەخۆیی کوردستان.
بەو حاڵەشەوە؛ پارتی ئازادیی کوردستان، رێگا بۆ خەڵک دیاریی ناکا کە چ بڕیارێک لە مەر ئەم شانۆگەرییانە بدەن . بەڵام ئاواتەخوازە کە بە بایکۆت کردنیان، پەیامێکی پڕ واتا بگەێنن و بەو هەڵوێستە دەرفەتسازیی بۆ هەنگاوەکانی دوایی خەباتێکی یەکگرتووانە بکەن. لێشمان روونە کە ئەو ژمارەیە لە خەڵک کە روو سنووقەکانی ئەو شانۆگەرییە بێ ئابڕووانەیەدا دەکەن ، بە پێچەوانەی کۆمەڵێک بە ناو "نوخبە"ی بێ ئیرادەی ملکەچی بەرژەوەندییخواز، نە لەبەر بڕوا بە تارانە و نە لە بەر ئەوەیە کە هیوایەکیان بە ئاکامەکانی وەها هەڵبژاردنێک هەیە و نە وێڵی تراویلکەی رێفۆرمن؛ بەڵکوو لە رووی ناچاریی و لە ژێر گەف و گوشارە فەرمی و نافەرمییەکانی دەوڵەتی داگیرکەردایە.
پارتی ئازادیی کوردستانPAK
مەجلیسی گشتیی
٢١ی رێبەندانی ٢٧١٥
١٠ی فێورییەی ٢٠١٦


كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ حسەین یەزدانپەنا: هەڵکردنی ئاڵای کوردستان لە فەرمانگەکانی کەرکووک تەواوکەری هەنگاوەکانی پێشمەرگەیە
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
بابه‌ت
زۆرینەی بەرپرسانی باڵای کۆماری ئیسلامی ئێران لە کام نەتەوە و پارێزگا پێک هاتون ؟
ناسر قازی
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012