::
ئەمریکا: لە ئەمڕۆ بەدواوە بە فەرمی و جیدی هۆشداری بە ئێران دەدەین
3/2/2017
pazadik:

ئێران: تاقیکردنەوەی مووشەکی لە چوارچێوەی بەرگری دایە و مافی خۆمانە
 ناوەڕاست






 
ڕاوێژکاری ئاسایشی نەتەوەیی ئەمریکا، وێڕای ڕەخنەی توند لە تاقیکردنەوەی ئەمدوایەی ئێران، ڕایگەیاندووە "ئێمە لە ئەمڕۆ بەدواوە بە فەرمی و بە جیدی هۆشداری بە ئێران دەدەین."

 

بەپێی راپۆرتی تۆڕی میدیایی (BBC) مایکل فلین، لە کۆنفرانسێکی ڕۆژنامەنووسیدا گوتی "هەوڵ و تاقیکارییەکانی ئەمدوایەی ئێران و بۆ وێنە تاقیکردنەوەی مووشەکی بالستیک و هێرش بۆ سەر کەشتییەکی سعوودیا کە لەلایەن میلیشیا حووسییەکانی سەر بە ئێرانەوە بووە، ئەمانە چەند نموونەن لە ناسەقامگیرکردنی ناوچەکە و ئێمە ئەمە قەبووڵ ناکەین."


فیلین ئاماژەی بەوەش داوە "تاقیکاریی نوێی مووشەکیی ئێران پشتگوێخستن و پێشێلکاریی ئاشکرای بڕیارنامەی 2231ی ئەنجومەنی ئاسایشە."


دوێنێ چوارشەممە حەسەن ڕۆحانی سەرکۆماری ئێران لە ڕێوڕەسمی دەستبەکاربوونی "ماهەوارەی ناهید" بە توندی ڕەخنەی لە ئەمریکا و بڕیارەکانی ترەمپ گرت.

 

هاوکات 220 پەرلەمانتاری ئێران بە بڵاکردنەوەی بەیاننامەیەک پشتیوانیان لە هەوڵە سەربازییەکانی ئێران کردووە و بە مافی ئێرانیان زانیوە.

 

بە گوتەی ڕاوێژکاری ئاسایشی نەتەوەیی ئەمریکا، ئەم هەوڵ و جموجٶلە سەربازییانەی ئێران کە تێیدا هێز و میلیشیا حووسییەکان جێبەجێی دەکەن، ئەنجامەکەی ئەوە بووە کە هێرشیان کردووەتە سر کەشتییەکی سعوودیە کە بووەتە هەڕەشەیک بۆ کەشتیەکانی ئەمریکا و هێزی هاوپەیمانان لە ئاوەکانی دەریای سوور، کە ئەم چالاکییانەی ئێران بووەتە هۆی مەترسی و تێکدانی ئاسایشی دۆست و هاوپەمانەکانی ئەرمیکا لە ناوچە."


گوتیشی "حکوومەتی ئۆباما بەم هەڕەشە و مەترسییانەی ئێران لە ناوچەکە وەڵامی پێویستی نەداوەتەوە، بۆیە ئەمریکا لە ئەمڕۆ بەدواوە هەموو هەوڵ و جموجۆڵە سەربازییەکانی ئێران دەخاتە ژێر چاودێرییەوە و گوتی "لەباتی ئەوەی ڕێککەوتنمان لەگەڵی کردووە سوپاسمان بکات، ڕوودار بووە و ئێمە لە ئەمڕۆوە بە فەرمی هۆشداری بە ئیران دەدەین."


هاوکات وەزارەتی دەرەوەی ئەمریکا لە بەیاننامەیەکدا ئاشکرای کردووە ئاگاداری تاقیکردنەوەی مووشکەیی ئێرانین و لەگەڵ ئەندامانی ئەنجومەنی ئاسایش لە گفتوگۆ داین کە لەم بارەوە هەڵوێست بگرن.

پاش چەند ڕۆژ لە گەرمبوونی باسی تاقیکردنەوەی مووشەکیی ئێران، حوسێن دێهقان وەزیری بەرگیی ئێران، ئەو هەواڵەی پشتڕاست کردەوە و گوتی"ئەمە لە بەرنامەی کاری بەرگریماندا بووە و هیچ لایەنێکی بیانیش بۆی نییە دەستیوەردان بکات و ئێران لە هیچ لایەنێک ئیزن ورناگرێت، چونکە مافی خۆمانە.

   


كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
‌ رۆڵی ئێستای كاك مسعود بارزانی دەرفەتێكە بۆ پرۆسەی سەربەخۆیی و نابێت ئەم دەرفەتە لەدەست بدەین
بابه‌ت
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
پەیامی فەرانسە و هاوپەیمانەکان بۆ PAK و کوردی رۆژهەڵات چییە؟
شەماڵ پیران
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012