::
راگەیەندراوی تێکەڵبوونی یەکێتی شۆڕشگێڕانی کوردستان لە پارتی ئازادیی کوردستان دا
10/3/2017
بۆ ڕای گشتی....
راگەیەندراوی تێکەڵبوونی یەکێتی شۆڕشگێڕانی کوردستان
لە پارتی ئازادیی کوردستان دا
لە بڕیارێکی مێژوویدا یەکێتی شۆڕشگێڕانی کوردستان یەکبوونەوەی خۆی لەگەڵ پارتی ئازادیی کوردستان، رادەگەێنێ.
هاونیشتمانیانی خۆڕاگر
لاوانی نەتەوەخواز، بنەماڵەی سەربەرزی شەهیدان
حزب و رێکخراوە سیاسیەکانی کوردستانی گەورە
لەپاش تاوتوێ کردنی هەلومەرجی هەستیاری ناوچەکە و کوردستان و دوابەدوای چەندین کۆبوونەوە، بە سەرنجدان بەو ئەرکە نەتەوەییەی کە مێژوو لە بەهاری ساڵی ١٩٩١ بە ئەستۆی نەوەی نوێی خەباتکارانی رۆژهەڵاتی کوردستانی ئەسپارد و میکانیزمی یەکێتی شۆڕشگێڕانی گەلی کوردستانی بۆ خۆڵقاند ، لە پاش بە خۆدا چوونەوەیەکی عەقڵانی و هەست بەبەرپرسیاریەتی کردن لە بەرانبەر گەلەکەمان و رۆحی شەهیدان و بنەماڵەی سەر بەرزی شەهیدەکانمان، گەیشتینە ئەو ئاکامەی چیتر درێژە بەو دووبەرەکییە نەدەین کە ١٠ ساڵە لە ئارادایە و لە بریارێکی مێژوویی و بوێرانەدا تێکەڵ بونەوەمان بە پارتی ئازادیی کوردستان ڕابگەێنین.
ڕابردووی نزیک بە سێ دەیە خەبات و قۆربانیدان ئەوەیان سەلماند کە لە رۆژهەڵاتی کوردستان، بە حەق تەنها ئەم رێبازە بووە کە لەسەر بنەمای بیری نەتەوەیی و تووڕدانی ئێرانچێتی و کوردستانی بوونی راستەقینە، بە ئامانج و ستراتیژی سەربەخۆیی و بەدەوڵەتبوونی کوردستان، هەرلە کاروانی ئاڵاوە، سنوورە دەسکردەکانی کوردستانی گەورەیان بەزاند و بە هێز و خۆێنی پێشمەرگە وتێکۆشەرانی ڕیزەکانیان لە کەرکوکی دڵی کوردستانەوە تا شنگالی ئێزیدخان و لەوێشەوە تا ئەرجەع و هۆلێ و سەرێ کانی و قامیشلوی جگەرخۆێن و تا کۆبانێی هێمای بەرخۆدانی کوردستانیان عارەقە و خۆێن و جەستەی خۆیان خەڵاتی نێشتمانە بەرین و داگیرکراوەکەیان کرد و بەمەش پەیامەکەی پێشەوا قازی و سەرکردە سەعید یەزدانپەنا کە دەی فەرموو "حێزبە تێکۆشەرەکەمان دێتە مەیدان، تا شەڕی چوار دەوڵەتی داگیرکەری کوردستان بکات "، بە ئەنجام گەیاندوە.
بە سەرنجدان بەو مێژووە پڕ لە سەروەرییە و بەو ئاگاهی و ڕاستییەی کە ئێمە زادەی یەک مەکتەبی فیکری و سیاسیین ، بە ناڕەوامان زانی کە درێژە بەو دووبەرەکییە بدەین ولە پاش هەڵهێنانەوەی هەنگاوی پێویست و بەکردەوە دەرکەوت کە پارتی ئازادیی کوردستانیش بە هەمان نەفەسەوە دەروانێتە هەڵوێستەکەمان و پێشوازی لە بڕیارەکەمان دەکا، کەوابو بە پێویستمان نەزانی کە چیتر پرسی گرینگی یەکبوون دوابخرێت.
ئەزمونی گەلانی بندەست و نیشتمان داگیرکراو ئەوەیان سەلماندووە کە چەندە هۆکاری دەرەکی بەهێز بێت بۆ گەیشتن بە مافی دیاریکردنی چارەنووس ئەوەندەو بگرە زیاتریش هۆکارە ناوخۆیەکانن کە گەلانی بندەست لە گەیشتن بە مافە سیاسیەکانیان دوور یا نزیک دەخەنەوە کە گرینگترینیان یەکڕیزی و لە یەک سەنگەردا بوونی خەباتکارانی ئەو گەلەیە.
ئێمە بەو پەڕی سەربەرزی و شانازییەوە، دەبینە پێشەنگی وەلانانی پڕش و بڵاوی و دووبەرەکی. بۆ ئێمە سەردەمی ناکۆکی بۆ هەمیشە بەسەر چوو؛ ئەوەی لە کەلێنی ناکۆکی و دووبەرەکییدا، لە نێوانماندا روویدا و گوترا و نووسرا، زادەی دەمی ناکۆکی و دووبەرەکی بوو، تێپەڕی و هەرگیز لای لێناکەینەوە. گومان لەوەدا نییە کە چەندە رێبوارانی رێگای سەربەخۆیی کوردستان بەم هەنگاوە شاد دەبن، دوژمنانی کوردایەتی و سەربەخۆیی کوردستان زیاتر دڵتەنگ و خەمبار دەبن. هیوادارین ئەم هەڵوێست و هەنگاوە مێژووییەمان ببێتە هاندەری هەڵهێنانەوەی هەنگاوی بەکردەوەی یەکگرتنەوەی سەرجەم ئەو حیزبانەی کە لە یەک دابڕاون و هەروەها ببێتە مایەی بەرەو پێش چونی پرسی بەرەی کوردستانی لە ڕۆژهەڵاتی کوردستان.
کۆمیتەی ناوەندی یەکێتی شۆڕشگێڕانی کوردستان ڕایدەگەینێت کە لە دەرچوونی ئەم راگەێندراوەوە، سەرجەم ئۆرگانەکانی لە یەکڕیز و یەک قەوارەی پتەو ویەکگرتوو، واتە لە ریزەکانی پارتی ئازادیی کوردستان PAKدا، بەو پەڕی شانازییەوە ئەو رێگایە دەپێوین کە ٢٥ ساڵ لەمەوبەر، سەعید یەزدانپەنا، بە ئامانجی سەربەخۆیی، بەدەوڵەتبوون و یەکگرتنەوەی کوردستانی دابەشکراو، بناغەکەی دانا و ئەمڕۆ کاروانی خەباتی ئەو رێبازە بووەتە هێزێکی سیاسیی- سەربازیی دیار و شانازی خوڵقێنی نەک هەر رۆژهەڵاتی کوردستان، بگرە کوردستانی گەورە.
یەکێتی شۆڕشگێڕانی کوردستان
کۆمیتەی ناوەندی
٤/٣/٢٠١٧


كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ حسەین یەزدانپەنا: هەڵکردنی ئاڵای کوردستان لە فەرمانگەکانی کەرکووک تەواوکەری هەنگاوەکانی پێشمەرگەیە
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
بابه‌ت
زۆرینەی بەرپرسانی باڵای کۆماری ئیسلامی ئێران لە کام نەتەوە و پارێزگا پێک هاتون ؟
ناسر قازی
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012