::
بەیاننامەی عەلی قازی محەمەد سەرۆکی PAK بە بۆنەی هەڵکردنی ئاڵای کوردستان لە کەرکووک
28/3/2017
 ئەمڕۆ کاروانی خەباتی کوردایەتی و ئیرادەی خەبات لە پێناو، هەڵتەکاندنی سنوورە دەسکردەکان، بە هەڵکردنی ئاڵای موقەدەسی کوردستان بە شێوەی فەرمیی لە شاری خۆشەویستی کەرکووک ؛ سەرکەوتنێکی گەورەی تۆمار کرد. 
بەمجۆرە لە بەرە بەری 700 ساڵەی شەهید کرانی پێشەوای مەزنی کورد قازی محەمەد و لە جەنگەی شەکانەوەی ئاڵای کوردستان لە رۆژهەڵاتی نیشتمان؛ بیرەوەریی نەورۆزی راپەرینی کەرکووک، تێکەڵ بە نەورۆزی ئاڵای ئەو شارە بوو و هیوایەک لە هاوبەستیی و یەکێتی نەتەوەیی و بەردەوامیی خەبات لە پێناو هەڵتەکاندنی سنوورە دەسکردەکان و گەیشتن بە سەروەریی نەتەوەیی و دامەزراندنی وڵات و دەوڵەتێکی سەربەخۆ، بەرهەم دێنێ.
ئاڵای موقەدەسی کوردستان، لە 17 دیسامبری ساڵی 19455 لە مەهاباد هەڵکرا و بووە ئاڵای فەرمی دەوڵەتی جمهوری کوردستان. لە 22 ژانویەی 1994 ئەو ئاڵایە لە لایان پارتی ئازادیی کوردستانەوە لە رۆژهەڵاتی داگیرکراو هەڵکرایەوە و خوێنی 20 فەرماندە و پێشمەرگەی بەوەج لە پای رژا . ئاڵاکەی پێشەوا و بارزانی و کۆمار ساڵی 1999 بە پێی بڕیاری پەرلەمانی هەرێمی کوردستان بە فەرمیی ناسراو رۆژی 17ی دیسامبر کرایە رۆژی ئاڵا. لە نەورۆزی ئەمساڵدا، لە سەر بانگەواز و بە حەول و تێکۆشانی پارتی ئازادیی کوردستان، لە بەشێکی بەرچاو لە شار و دێهاتەکانی رۆژهەڵاتی داگیرکراوی نیشتمان هەڵکرا.
 ئەمڕۆ بە شەکانەوەی ئاڵای کوردستان لە کەرکووک، رۆحی پێشەوا و بارزانی ئاسوودە بوو کە ئاڵای کۆمارەکەیان، گەیشتە کەرکووک و هەموو ئەو حەول و خەرج و خوێنانەی دابەشکەران و داگیرکەرانی کوردستان بە فیڕۆ چوو کە لە پێناو بە کۆیلە هێشتنەوەی ئەم نەتەوەیە و داماڵینی کەرکووک لە ناسنامەی کوردستانیی دراون. 
ئەمڕۆ رۆحی شەهیدانی پارتی ئازادیی کوردستان، ئاسوودە بوو کە ئەو ئاڵایەی ئەوان 244 ساڵ لەمەوبەر گیانیان لە پێناو هەڵکردن و شەکاندنەوەیدا بەخت کرد؛ لە کەرکووک، کەوتە شەکانەوە.
 بە بۆنەی ئەم هەنگاوە مێژووییەوە، پیرۆزبایی لە سەرجەم رۆڵەکانی نەتەوەی کورد و کوردستانیانی خۆشەویست لە رۆژهەڵاتی ناوەڕاست بە گشتیی و لە شاری کەرکووک بە تایبەتی دەکەم. هیوادار و ئاواتەخوازم، بەڕێوەچوونی رێفراندۆمی سەربەخۆیی کوردستان لە باشووری کوردستان، هەرچی زووتر تەواوکەری، ئەم هەنگاوە مێژووییە بێ و لە داهاتوویەکی نە زۆر دووردا، شاهیدی لە دایکبوونی دەوڵەتی باشووری کوردستان بین.
عەلی قازی محەمەد
سەرۆکی پارتی ئازادیی کوردستانPAK
8 ی خاکەلێوەی 2717
28ی مارسی  2017


كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ حسەین یەزدانپەنا: هەڵکردنی ئاڵای کوردستان لە فەرمانگەکانی کەرکووک تەواوکەری هەنگاوەکانی پێشمەرگەیە
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
بابه‌ت
زۆرینەی بەرپرسانی باڵای کۆماری ئیسلامی ئێران لە کام نەتەوە و پارێزگا پێک هاتون ؟
ناسر قازی
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012