::
بەیاننامەی پارتی ئازادیی کوردستان PAK بە بۆنەی 70 هەمین ساڵوەگەڕی شەهید کرانی پێشەوا و هاورێکانی؛ رۆژی شەهیدانی کوردستان
29/3/2017

١٠ی خاکەلێوەی ٢٧١٧، حەفتا ساڵ لە ئێعدامی سەرۆکی دەوڵەتی جمهوریی کوردستان، پێشەوا قازی محەمەد و هاوڕێکانی تێپەڕ بوو کە وەک برینێکی قووڵ لە سەر جەستە و گیانی نەتەوەی کورد، ماوەتەوە.

پێشەواقازی محەمەد پاش ٤ ساڵ خۆبەڕێوەبەری ، گەیشتە ئەو باوەڕ و بڕیارەی کە لە چوارچێوەی دەوڵەتی ئێراندا، کورد بە مافەکانی ناگا و سەرەنجام رۆژی 2ی رێبەندان، 22 ژانوایەی 1946 لە میتینگێکی 20000 کەسیی دا لە مهاباد،لە بڕیارێکی مێژووییدا، جیا بوونەوە لە ئێران و سەربەخۆیی کوردستانی راگەیاند و "بە خودا و بە کەلامی عەزیمی خودا، بە نیشتمان، بە شەرافەتی میللی کورد، بە ئاڵای موقەدەسی کوردستان" سوێندی خوارد کە" تا ئاخر هەناسەی ژیان و رژاندنی ئاخر تنۆکی خوێن"، " بە گیان و بە ماڵ لە رێی راگرتنی سەربەخۆیی و بەرزکردنەوەی ئاڵای کوردستان"دا تێبکۆشی.
بەمجۆرە و بە دامەزراندنی دەوڵەتێ لە شێوازی کۆمارییدا لە دەرەوەی خاک و سەروەریی ئێران، بە ئاڵا و سروود و زمان و پێتەخت و ئەڕتەشی نەتەوەیی و پێوەندیی دەرەکی و ئابووریی سەربەخۆ لە بەرانبەر دەوڵەتی شاهەنشاهی پەهلەوی بە زمان و دامەزراوە و هێما و سیمبۆلەکانی خۆی ؛ سەروەریی( حاکمیت- Sovereignty) نەتەوەیی کوردی وەدیی هێنا.
رووخاندنی دەوڵەتی جمهوری کوردستان و ئێعدامی سەر کۆمار و هاوڕێکانی لە لایان تارانەوە، کارەساتێکی گەورە بوو بۆ نەتەوەی کورد و ئاکامی مادی و مەعنەویی و فکری زۆر تفت و تاڵی بە دوادا هات.
دەوڵەتی شاهەنشاهی ئێران بە زەبری لەشکرکێشی بۆ کوردستان، کۆمەڵگای سیاسیی هەڵبژێردراوی نەتەوەی کوردی بە شێوەی سیستەماتیک لە بەر یەک هەڵوەشاند، هێما و سیمبۆلەکان و دامەزراوە سیاسی وکولتورییە نەتەوەییەکانی دایە بەر پەلاماری توونا کردن و زمان و هێما و دام و دەزگا و دامەزراوەی بێگانە و داگیرکەری بە سەر نەتەوەی کورد دا سەپاند. هەروەها بە زەبری توند و تیژیی دەوڵەتیی، ترس و تۆقاندن و نیگەرانیی رۆحیی خستە سەر دڵی تاکەکانی ئەم نەتەوەیە. ئەم تاوانە هەروەها رێگای بۆ درێژە پێدرانی ژێنۆساید و کۆمەڵکوژیی نەتەوەی کورد لە رۆژهەڵاتی ناوەڕاست تەخت کرد.
رووخاندنی دەوڵەتی جمهوریی کوردستان و ئێعدامی قازی محەممەد، زەبرێکی ستراتیژیی لە گیانی نەتەوایەتی و خەباتی رزگاریخوازیی نەتەوەی کورد سرەواند. ئەم تاوانە پڕۆژەی ئاسمیلاسیۆن و " بە ئێرانی کردن" ی نەتەوەی کوردی بووژاندەوە؛ ناسیۆنالیزمی ئازادیبەخشی کوردی تووشی پاشەکشە کرد؛ بواری پەرەگرتنی ئایدۆلۆژیای هاوردە و نامۆ لە گەڵ پرسی کوردی لە بزووتنەوەی رزگاریخوازیی کوردستان پێکهێنا؛ زۆر بەڵگە و بەڵگەنامەی نەتەوەیی کورد لە ناو بران و پاشان شتی ناڕاست و ساختە، بە ئامانجی تایبەت و دیاریی کراو، بۆ نەوەی ئێمە گوێزرایەوە.
سەرجەمی ئەم بارودۆخە، لادان لە بیر و سیاسەتی نەتەوەیی و سەرهەڵدانی قەیرانی ناسنامە و زاڵبوونی ئێرانچێتی بە سەر گوتاری رەسەنی کوردستانی و کێشە و دژبەریی ناڕەوای ناوخۆیی و بە فیڕۆدانی دەرفەتگەلی سیاسی و لە ئاکامدا خەسار بوونی بەشێکی گەورە لە هێز و توانای نەتەوەی کوردی لێکەوتەوە. 
بیر و باوەڕ و رێبازی قازی محەمەد هەڵقوڵاوی ناسنامە، مێژوو، ئەزموون، پێویستی و دۆخی راستەقینەی نەتەوەی کورد بوو. پێشەوا پاش چەن جار هاتووچۆ بۆ تاران و وتووێژ لە گەڵ دەوڵەتی ئێران، بە ژیری و واقعبینیی بۆی دەرکەوت کە پرسی کورد لە چوارچێوەی ئێراندا چارەسەر ناکرێ. بۆیە بریاری مێژوویی راگەیاندنی سەربەخۆیی و دامەزراندنی دەوڵەتی جمهوریی کوردستانی دا.
ئێستا پاش 70 ساڵ لە رووخانی جمهووری کوردستان و ئێعدامی پێشەوا قازی محەممەد، ئەم راستییە هەر لە جێی خۆی ماوە کە: رێگا چارەی پرسی کورد و ستراتیژی دروستی بزووتنەوەی رزگاریخوازی کوردستان، گەڕانەوەیە بۆ بیر و بڕیاری قازی محەمەدی شەهید، واتە سەربەخۆیی و پێکهێنانی دەوڵەتی نەتەوەیی. حیزبی ئێمە 25 ساڵە ئاڵای ئەم ئامانجە بەرزەی هەڵگرتووە و میراتگری بنەما فکری و سیاسییەکانی پێشەوا قازی محەممەد و دەوڵەتی جمهوری کوردستانە.
پارتی ئازادیی کوردستان حیزبی تووڕدانی بیر و سیاسەت و کولتوری سیاسیی ژەهراوی ئێرانچێتی و بووژاندنەوەی رەسەنایەتی ناسنامە و سیاسەتی کوردستانی و وەدیهێنەری ئەو ئامانجەیە کە پێشەوا قازی محەممەد سەری لە پێناو دانا. هەر بۆیەش لە چارگە سەدەی رابوردوودا، پێشەنگی فکری و سیاسی و مێتۆدیکی و پراکتیکی نەتەوەیی بووە لە رۆژهەڵاتی کوردستان.
ئەگەر 70 ساڵ لەمەوبەر، هەلومەرجی نالەباری نەتەوەی کورد و نۆرمەکانی جیهانی ئەو سەردەمە، بوونە هۆی ئەوەی کۆمەڵگای مرۆڤایەتی لە حاند ژێنۆسایدی نەتەوەی کورد بێدەنگی رەچاو بکا، ئەمڕۆ لە رۆژگاری پەرەسەندنی بایەخە مرۆڤییەکان و ئەو دەرفەتە سیاسیانەی بۆ نەتەوە بندەست و بێدەوڵەتەکان هەڵکەوتووە، رۆڵەکانی نەتەوەی کورد لە سەریانە ئەم لاپەڕەیە لە مێژوو، لە کۆڕ و کۆمەڵە نێودەوڵەتییەکان هەڵدەنەوە و عالەم لە زۆڵمێ کە لە قازی محەمەد و هاورێیان و نەتەوەکەی کراوە، ئاگادار بکەن.
ئێمە داوا لە کۆمەڵگای مرۆڤایەتی لە هەموو ئاستەکانی تاک و گرووپ و دەوڵەت و رێکخراو و دامەزراوە نێودەوڵەتییەکان دەکەین بۆ هەڵدانەوەی لاپەڕەکانی ئەو تاوانەو پشتیوانی لە گەڕانەوەی مافە زەوتکراوەکانی نەتەوەی کورد لە رێگای بەڕێوەچوونی رێفراندۆمی سەربەخۆیی کوردستان، لە ژێر چاودێریی رێکخراوی نەتەوە یەکگرتووەکاندا.

سڵاو لە ناو و یاد و ئاڵا و ئامانجەکانی پێشەوا قازی محەممەد
سەرکەوێ خەبات لە پێناو دامەزراندنەوەی دەوڵەتی جمهوری کوردستاندا

پارتی ئازادیی کوردستانPAK
کۆمیتەی ناوەندیی
٩ی خاکەلێوەی ٢٧١٧
٢٩ی مارسی ٢٠١٧



كۆمێنتی خوێنه‌ران
كۆمێنته‌كان ده‌ربرینی بیرورای خوێنه‌رانه ‌و سایته‌که‌مان به‌ر پرس نیه‌ له‌و كۆمێنتانه‌

ناو:
 
ئیمه‌یل:
 
کۆمێنت:
 
دیمانه‌
‌ حسەین یەزدانپەنا: هەڵکردنی ئاڵای کوردستان لە فەرمانگەکانی کەرکووک تەواوکەری هەنگاوەکانی پێشمەرگەیە
‌ یەزدانپەنا: نابێ هیچ حزبێك سەروەریی پارچەیەكی تری كوردستان پێشێل بكات
بابه‌ت
زۆرینەی بەرپرسانی باڵای کۆماری ئیسلامی ئێران لە کام نەتەوە و پارێزگا پێک هاتون ؟
ناسر قازی
تەوشناسی ناسیۆنالیزمی کوردستانی
عەلی عەونی
داسەپاندنەوەی دووبارەی سایس- پیکۆ لەدژی کوردان
حەسەن ماوەرانی
لە کەوتنی حەلەب ، دەستکەوتەکانی هەریەک لە روسیا و ئێران و تورکیا چی بوون ؟
نیاز حاجی
پێناسەیەک لە مێژووی ئاڵای کوردستان
بەهمەن کاک عەبدوڵلا
کۆمه‌ڵایه‌تی
  • ژنان
  • منداڵان
  • قوتابیان و لاوان
  • ژینگه‌
ئاخاوتن
کوردستان24: دەقی وتەکانی حسەین یەزدانپەنا فەرماندەی گشتی هێزەکانی PAK بەبۆنەی 71 کۆماری کوردستان ‌
زۆرترین خوێنراو
سه‌رەتا ئاخاوتن بابەت دیدار بۆ کوردستان مافی مرۆڤ دیمانه‌ کۆنگرەی یه‌ک په‌یوەندی دەربارە ئەرشیف
مافی کۆپی کردن پارێزراوه‌ بۆ ماڵپه‌ری پارتی ئازادیی کوردستان 2012